اتعلمى تعملى السموكى ايز

1_اول حاجه فى درس النهارده هنتعلم فيه ازاى نرسم العيون بالسموكى او اللو ن الاسود الدخانى طبعا كالعاده بعد ما نخلص الفاونديشن ونوزعه تمام واللوس بودر بعده والكونسيلر ونبقى مجهزين كله تمام للرسم هنجيب اول خطوه لزق شفاف وهنلزقه على زاويه العين زى ما هتشوفه فى الصوره بس انتاو لاحظوه لانه شفاف مش باين اوى بس طبعا باين عنده خطا الكحل لاننا هنرسم بالقلم خط كحل من فوق العين زى الصوره كده ونسحب الخط ده على نفس الخط بتاع اللزق زى كده
[img]<script src='http://img863.imageshack.us/shareable/?i=83655502.jpg&p=tl' type='text/javascript'></script><noscript></noscript>[/img]
2_تانى خطوه هنجيب اللون الاسود وبالفرشه التخينه شويه دى ونملا الزاويه الخارجيه للعين ونسيحه مع الخط بالشكل ده
[img]<script src='http://img843.imageshack.us/shareable/?i=86242055.jpg&p=tl' type='text/javascript'></script><noscript></noscript>[/img]
3_هنجيب بقه لون نحاسى ونبدا نحطه من بدايه العين ونطلع للزاويه الخارجيه تانى كده بس اوعوا حد يزوده اوى لفوق لازم يكون فى فاصل معقول تحت الحاجب اوكى
[img]<script src='http://img42.imageshack.us/shareable/?i=16378237.jpg&p=tl' type='text/javascript'></script><noscript></noscript>[/img]
4_الخطوه دى هنشيل فيها اللزق الى كنا حاطينه وارجعوا للصوره الى فاتت هتشوفوا الفرق طبعا لما اتشال وبنشيل اى زوائد بالفرشه كده
[img]<script src='http://img857.imageshack.us/shareable/?i=38329641.jpg&p=tl' type='text/javascript'></script><noscript></noscript>[/img]
5_هنجيب هنا الفرشه الى هى بتكون مقشوطه من الطرف شويه زى دى كده وهنبدا نرسم خط تحت العين بالشكل ده ويكون مفتوح من بدايه العين زى ما هتشوفوا كده
[img]<script src='http://img718.imageshack.us/shareable/?i=99776755.jpg&p=tl' type='text/javascript'></script><noscript></noscript>[/img]
6_برده الخط هنسحبه ويكون مفتوح من الزاويه الخارجيه للعين كده ونحط تحته لون ايشادو بيج فاتح علشان يظهر الخط الى احنا عاملينه كده
[img]<script src='http://img849.imageshack.us/shareable/?i=59355904.jpg&p=tl' type='text/javascript'></script><noscript></noscript>[/img]
7_بالقلم الابيض هنرسم داخل العين خط بالشكل ده
[img]<script src='http://img857.imageshack.us/shareable/?i=56492252.jpg&p=tl' type='text/javascript'></script><noscript></noscript>[/img]
8_ممكن نحط ايشادو ابيض مطفى بشكل خفيف تحت الحاجب وطبعا نرسم الحاجب بالقلم البنى والماسكر الوندر لاش اوريفليم وهيبقى ده الشكل النهائى للعين
[img]<script src='http://img806.imageshack.us/shareable/?i=29516913.jpg&p=tl' type='text/javascript'></script><noscript></noscript>[/img]

يارب يكون عجب كل البنات ان شاء الله

شيماء عادل كتب:

لا بجد حلو قووووي

مرسى ليكي ياشوشو

حلوووووووووووووووو اووووووووووووي بجد تسلم ايديك ماشاء الله ده احلي سموكي واحلي شرح للسموكي انا قريته بس يارب اعرف اعمله لااني خاااااااااااااايبه خالص

ساجده لربها كتب:حلوووووووووووووووو اووووووووووووي بجد تسلم ايديك ماشاء الله ده احلي سموكي واحلي شرح للسموكي انا قريته بس يارب اعرف اعمله لااني خاااااااااااااايبه خالص

ان شاء الله تعمليه ويبقى احلى من كده كمان انتى بس امشى مع الخطوات واحده واحده كده وقوليلي النتيجه