حددي نوع بشرتك

ده موضوع منقول للامانه بس اما قريته قلت لازم انقلو لحبايبي

ازاي اتعرف علي نوع بشرتي؟:وبالتالي اعرف اتعامل معاها واعتني بها


الخطوات ديه طبقيها وان شاء الله بمنتهي السهولة هنتعرف علي نوع بشرتنا:

1- تغسلي وشك بالميه بس من غير صابون والا منظف والا اي حاجة نهائي.

2- تدلكي وشك بالميه في حركات دائرية كويس جدا وخاصة منطقة الخدود والانف والجبهة.

3- تنشفي وشك كويس جدا بفوطة قطن بطريقة الطبطبة مش بطريقة الفرك اللي معظمنا بيتخانق بيها مع وشه.

4- بعد ما تعدي نص ساعة كده وبشرتك مغسولة ومتنشفة هاتي لي تلات مناديل ورق عادية وتعالي
هنحط منديل علي منطقة الانف والخدود
ومنديل علي منطقة الجبهة
ومنديل علي منطقة الدقن

5- هتسيبي التلات مناديل دول في المناطق اللي قلنا عليها حوالي نص ساعة كده وبعدين شيليهم وبصي فيهم.

6- لو المنديل بتاع منطقة الانف و الخدود حسيته مبلول او مزيت يبقي المنطقة ديه عندك دهنية
ولو ناشف كله اكيد تبقي المنطقة جافة او عادية
نيجي لمنديل الجبهة لو عليه دهون و مبلل برضه تبقي المنطقة ديه كمان دهنية
ولو جاف برضه المنطقة جافة او عادية
منديل الدقن تبصي علي بنفس الطريقة وتشوفي عليه دهون والا مش عليه.

7- التقييم النهائي
هتبصي في التلات مناديل
لو كلهم مبللين ومزيتين تبقي البشرة دهنية
لو كلهم ناشفين من غير دهون تبقي البشرة عادية او جافة
لو بعضهم مبلل والباقي لا هنرجع بقي
نبص علي منديل منطقة الانف والخدود لو فيه منطقة بس مبلله والباقي لا تبقي الانف دهنية والخدود عادية او جافة
وفي الحالة ديه هتبصي كويس في منديل منطقة الجبهة وتشوفي عليه دهون والا لا هو كمان
لو عليه دهون يبقي الجبهة والانف عندك دهنيين والباقي عادي او جاف

8- التفرقة بين البشرة العادية والجافة
احنا الخطوة اللي فاتت عرفنا كويس نفرق بين المختلطة والعادية و الجافة
وعرفنا البشرة الدهنية والمختلطة باقي لنا بس نعرف العادية من الجافة
بسيطة قوي
هنجيب حتة كريم صغيرة وندهنها علي المكان اللي مش عارفينه نوع ايه او علي وشنا كله
وبعد خمس دقايق نجيب منديل و نلزقه في وشنا ونشوف فيه ايه
لو ناشف تماما تبقي البشرة جافة
لو فيه شوية دهون بسيطة كده من الكريم تبقي البشرة عادية.

وبس كده عرفنا نوع بشرتنا.