ازاي نقدر ندخل اعضاء جداد و نضمهم لشجرتنا ؟؟؟موضوع للنقاش الهام

marinaroro كتب:ازيك يا شوشو وازيكم كلكم كويس يا شوشو انك عملتى اب للموضوع عشان الناس كلها تشارك فيه تانى . انا شايفة ان ادخال اعضاء دى حاجة مهمة جدا جدا زى ماانتى قولتى بس فى نفس الوقت صعبة جدا انا فعلا بتعب اوى عشان اجيب عضو واحد حتى تحتى وحتى لو عمل فعلا عضوية مش بيرضا يكمل بعد كدا هى شهر والسلام. هتقوليلى لازم ادخل دم جديد فى الشجرة بتاعتى , ايوة كلامك صح وانا بامانة نفسى ونفسى برضو الاقى نفسى واللى تحتى كمان بقينا فى مستوى ال 12 حتى بس مش بعرف ومش بلاقى حد اقنعة . اعمل اية؟؟؟؟ ياريت كل واحدة تدخل تقول هي ايه طريقتها فى جذب اعضاء جدد والطريقة دى بتجيب ناس فعلا ولا لا ؟؟

marinaroro كتب:انا بالنسبة لى ادخال اعضاء من النت دى حاجة كويسة بس برضو بتاخد وقت شوية اما انى اروح اماكن عامة والكلام دا انا بصراحة بتكسف ومش بعرف ف انا اريحلى موضوع النت دا مع انه برضو صعب

بصي هوة النت لية مزايا و عيوب بس تعالي قبل ما نتكلم عن النت نتكلم عن ادخال الاعضاء من الاماكن العامة

انا زيك بتكسف برضة و كل حاجة و يمكن الحكاية دي غريبه شوية علي مجتمعنا المصري بس ممكن اقلك حاجة احنا نختار المكان الصح زي مثلا نادي كبير و مشهور و كلية كبيرة دي اكيد نوعية الناس اللي فيها حيكونوا متفهمين و برضة متنزليش لوحدك ممكن تنزلي و معاكي حد من اصحابك و تشجعوا بعض يعني و تختاري مثلا يوم اجازة زي يوم الجمعة

تيجي نجرب الحكاية دي مثلا انا و انتي و نقول لبعض عملنا اية

jeje كتب:انا شايفه ان احسن طريقه هى دعوت الناس فى الاماكن العامه واسهل انك تقعدى مثلا مع جروب بنات وتفهميهم الموضوع وتحاولى تقنعيهم بيه ممكن الطريقه دى تكون مناسبه ليا لانى فى جانعه وبعرف بنات كتير

تمام يا جيجي ب في حاجة انتي معني كلامك ان الناس دول اساسا انتي تعرفيهم و او زمايلك في الكلية


انما دعوة الناس في الاماكن العامة دي لناس انتي متعرفيهمش في مول او في شوارع تجارية

marinaroro كتب:حلو اوى الكلام دا بس انا فى الجامعة معرفش غير 7 اصحابى بس وغالبا احنا ال8 مع بعض من سنة اولى منعرفش غير بعض وبس وكلهم مش عاجبهم الموضوع من الاخر شايفين ان اسعار الكتالوجات غالية وهما لو اشتركوا مش هيستفيدوا حاجة دى وجهة نظرهم

خلاص يبقي انتي تجيبي لهم احتيجاتهم الشخصيةو ندور علي طريقة تانية ل ادخال الاعضاء

jeje كتب: عندك حق يا شوشو بس انا اقصد فى الجامعه يعنى معايا بس فى كليات تانيه يعنى صحباتى اللى معايا فى الكليه بتاعتى انا بجبلهم احتياجاتهم لكن اللىفى كليات غير كليتى ممكن اعمل لحد منهم عضويه ويشتغل بقى مع نفسو ده قصدى

طيب دة تمام يعني ناس مكنتيش تعرفيهم قبل كدة او علاقتك بيهم بسيطة طب اية رايك نعمل بروسبكتينج سوا في الجامعة عندك ؟؟؟

marinaroro كتب:ازاى البروسبكتنج دا يعنى اية ؟

marinaroro كتب:ازاى تحت رعاية اوريفليم يعنى؟

يعني الاريا سيلز بينزل معاكم

marinaroro كتب:ودا اجيبه منين بقى انشاء الله؟

هههههههه دة اكتر بيكون في القاهرة و ساعات قليلة بيحنوا علينا و هما بيجوا لحد عندنا بس قليل جدا بمعجزة تقريبا

jeje كتب:اوك ياشوشو اكيد انا مش عندى خيره زيك فى الشغل ده بس من اللى فهمتو من كلامك هى فكره حلوه اوى شوفى كده هتعرفى تعمليها فعلا ولا ايه وانا معاكى والمجمع بتاعنا نفسو ممكن نعمل فيه شغل كتير اوى

خلاص تمام نظبط ميعاد بعد العيد باذن الله اجي لك و نعملة سوا

marinaroro كتب:مفيش حد من بنى سويف يجى معايا......؟

و الله لو كنت اقدر اجي لحد عندك كنت جيت

Nona Ricko كتب:الموضوع تحفه جداااااااااا يا شيماء وبجد تسلمي لمجهودك وانا من اليكس ونفسي ادخل اعضاء تحتي بس مش عارفه احفزهم ازااااااااااااااي؟؟؟

شيماء عادل كتب:

Nona Ricko كتب:الموضوع تحفه جداااااااااا يا شيماء وبجد تسلمي لمجهودك وانا من اليكس ونفسي ادخل اعضاء تحتي بس مش عارفه احفزهم ازااااااااااااااي؟؟؟

اول حاجة لازم يكون عندك كيان
الكيان دة حيكون البداية
انتي عاملة بيدج عالفايس مثلا ؟؟؟

لا للاسف انا مليش ف الفيس خالص لان زوجي (مكتوب كتابي) رافض الموضوع لكن انا مشتركه ف منتدى فتكات وبعمل مواضيع هناك والحمد لله اقدرت ادخل كام عضوه كده لكن للاسف مش بيكملوا وانا نفسي اوي اخد هدايا العضو الراعي الشهر ده وربنا يكرم ولو عندك طريقه ابقي قوليلنا علينا علشان نستفاد وربنا يكرمك ويوسع رزقك يــــــــــــارب

Nona Ricko كتب:

شيماء عادل كتب:

Nona Ricko كتب:الموضوع تحفه جداااااااااا يا شيماء وبجد تسلمي لمجهودك وانا من اليكس ونفسي ادخل اعضاء تحتي بس مش عارفه احفزهم ازااااااااااااااي؟؟؟

اول حاجة لازم يكون عندك كيان
الكيان دة حيكون البداية
انتي عاملة بيدج عالفايس مثلا ؟؟؟

لا للاسف انا مليش ف الفيس خالص لان زوجي (مكتوب كتابي) رافض الموضوع لكن انا مشتركه ف منتدى فتكات وبعمل مواضيع هناك والحمد لله اقدرت ادخل كام عضوه كده لكن للاسف مش بيكملوا وانا نفسي اوي اخد هدايا العضو الراعي الشهر ده وربنا يكرم ولو عندك طريقه ابقي قوليلنا علينا علشان نستفاد وربنا يكرمك ويوسع رزقك يــــــــــــارب

Nona Ricko كتب:

بصي انا حقلك علي حاجة وبصراحة لو ملكيش كيان خاص بعيد عن فتكات و رقم الناس تقدر يوصولك بية في اي وقت الموضوع بيكون صعب


طب اعمل ايه يا شوشو قوليلي ع طريقه

medobekhet كتب:احم ممكن ادخل انا مقرتش الصراحه اي حاجه خالص غير اول حاجه كاتباها شيماء بس انا هقول انا بدخل اعضاء و شغال ازاي يعني ممكن حد يستفيد

الاول انا مبعتمدش علي طريقة واحده بمعني انا اه في طريقة اساسية بس لازم اكون بعمل الباقي جنبها

طريقة اساسية عن طريق النت و هي بيدج علي الفيس اساسية في جنبيها منتدي و جروب و ايميل و كدا
و عن طريق المنتديات

و في عن طريق اليو تيوب و جوجل

و اليو تيوب حلو جدا و من رايي اكتر حاجه بتجيب

اهم حاجه في النت ان حد يكون عنده communication skills عالية
يعني اي حد يكلمك او تكلميه نعرف نكسبه يعني انا سعات في بيكلموني بيبقي اخواتهم عندهم عضويات و باكلهم في الكلام اخليهم يقولولي طيب اعملنا انت

حد ميكونش عصبي يكون باله طويل اوي لان في ناس كدا يعني كتير

تاني طريقة عن طريق التليفون سواء موبايل او ارضي بكلم ارقام عشوائية و بقولهم و كدا

ثالت حاجه ادخال الاعضاء من الشارع البروسبيكتينج
و دي عاوزه شجاعة شوية و عدم كسوف

رابع حاجه البيوتي سنترز و الكوافيرات اجيب ارقامهم و اكلمهم او اروحلهم اي حاجه

النقط الشخصية بقي

عن طريق اللي حواليا قرايبي و صحابي و الجيران و كداو اي حد بيشتري بقوله لو جبتلي اوردر بحوالي 350 جنيه هديك هدية في اللي بيقول اوك و بيجيب فعلا و في بيحاول و في بيرفض عادي

بس اهم حاجه الواحد يشوف هو ايه الطريقة اللي يبقي كويس فيها و يبتدي و تبقي الاساسيى مع برضه باقي الحاجات تبقي جوانب ميعتمدش علي حاجه واحده ابدا

بس ممكن الواحد يدخل اكتر من 30 عضو في الشهر لو تعب شوية بس في الاول بعد كدا الموضوع بيبقي اسهل

بس دا رايي و الطريقة اللي شغال بيها
و بجد شكرا لشيماء لان دايما بتساعد كل الناس مش زي بقيت الناس اللي بتساعد اللي معاها و بس و انا افتخر اني تحتيها طبعا

اول حاجة بقلها لك يا محمد برافو عليك ممتاز




كلامك مظبوط انك تعتمد علي كذاطريقة و تكتب في اكتر من مكان و تعمل مواضيع و تحط كل الطرق للاتصال بيك و الطرق تكون متنوعة و علي حسب احتياجات الناس يعني اللي بيحب يتصل علي طول يلاقي رقم موبيل اللي بيحب يستخدم الايملات يلاقي ميل اللي بيحب يكتب كومنتات برضة ماشي

و تعليقي علي حتة ان لو حد عامل اخوة عامل عضوية ازاي تقنعة انت اكيد حتقدر تقنعة لان اخواة اصلا مش فارقة معاة و عامل عضويتة احتياجات شخصية اعتقد انها بتيجي من النقطة دي

و طبعا لازم يكون في هدوء و احنا بنتكلم مع الاعضاء

حكاية الارقام العشوئية د برضة منتشرة جدا و بتجيب شغل حلو بس عايزة طولة بااااااااااااااال

اما البروسبكتنج بقي انا رايي ان الواحد ينزل يعملة لوحدة يكون افضل يعني مثلا انا و عضوة تانية معايا ننزل سوا و نقسم الاعضاء بالنص انما البروسبكتنج الللي بيكون مع الشركة بيكون فاشل اخر 100 حاجة لان بيكون في كمية منافسين معاك قد كدة و المنطقة اللي بتنزلوا فيها بتكون محددوة دة غير انة ب 100 جنية للفرد في المحافظات

و الكوافيرات فكرة راااااااااااااااااابحة جدا بس المهم تنشن علي الكوافيرات المشهورين و اللي عليهم رجل و زباين كتيييييييييييير

النقط الشخصية انا بشتغل علي قرايبي و اصحابي و بعمل زيك يا محمد فعلا

ميرو كاتى كتب:شكرا بجد على افكارك ياميدو وميرسى انك مش بتبخل علينا بيها وكمان شوشو زى ماقلت بتساعد كل الناس بس كنت حابه اعرف ازاى تقنع حد ممكن يكون اخوه عامل عضويه انه يكون معاك انت؟؟؟؟ وكمان ايه اللى ممكن تكتبه على البيدج عشان تلفت نظر الناس وتقنعهم يعملوا عضويه معاك ؟؟؟؟ وفى حاجه بقى بحس ان هيا اصعب ممكن نقنع حد يعمل عضويه بس صعب ان احنا نخليه يكمل او يفضل معانا اصلا ممكن حد تانى يقنعه ويقدمله عروض اقوى ويعمل عضويه مع حد تانى وده بيحصل كتيييييييييييير

medobekhet كتب:لما تتكلمي مع حد متحسسيهاش ان هي مجرد عضوه معاكي بتستفيدي منها و عاوزاها تعمل نقط باي طريقة حسسيها انك واحده صاحبتها و بتساعديها و تهيالي الموضوع من البنات للبنات بيبقي اسهل كتير بين ولد و بنات

دايما اي خبر جديد تبعتيلهم رسايل او تعرفيهم متستنيش لما يسمعوا الخبر من حد تاني

بس متديش للعضو فرصه انه يطلع فيكي عيب من الاخر :D

و حتي لو لقت عروض عند حد احسن مستحيل تسيبك لان انتي قبل اي حاجه بقيتي صاحبتها

علياء كتب:بس الصراحه كل اللي مكتوب محتاجه جراة وولد من الاخر بالنسبه لموضوع البرودكاستنيج والتليفون والكوافير هيبقي محرج اوي لو بنت

medobekhet كتب:لا دا بالعككس التليفون و الكوافير و البروسبيكتنج صعب للولد تخيلي انتي ماشية في الشارع و واحد بيقولك انا من اوريفليم اكيد هتفتكريه بيرخم او حاجه
انما لو بنت لا
و التليفون نفس الكلام

الموضوع انا شايف للبنات اسهل كتير و الله من الولاد لان مبيبقاش قدامهم عقبات زي الولاد

و ممكن الولاد ينزلوا المحلات او يكلموا الشباب

علياء كتب:اكيد طبعا لو ولد وقفني هفتكره بيعاكس معاك حق جدا
بس برضو لو طلبت ارقام عشوائي وطلع حظي في ولد رخم او مش مؤدب مش هيسيب الرقم بتاعي في حاله
ع العموم هو الموضوع صعب ع الطرفين بنفس الحجم بس الفكره ان الولد اجرا من البنت والله اعلم

ميرو كاتى كتب:بجد ده منتدى هايل وانتم ناس محترمه وزوق جدا بس كنت عايزه اسالك ياشوشو انتى كنتى بتقولى لنونا انها تكتب فى اكتر من مكان ومتعتمدش على منتدى واحد ده معناه ان احنا كاعضاء فى المنتدى ممكن نقدر نكتب عن نفسنا فى المنتدى بتاعك ولا ايه ؟؟؟؟؟؟؟؟؟؟؟

ميرو كاتى كتب:بجد ده منتدى هايل وانتم ناس محترمه وزوق جدا بس كنت عايزه اسالك ياشوشو انتى كنتى بتقولى لنونا انها تكتب فى اكتر من مكان ومتعتمدش على منتدى واحد ده معناه ان احنا كاعضاء فى المنتدى ممكن نقدر نكتب عن نفسنا فى المنتدى بتاعك ولا ايه ؟؟؟؟؟؟؟؟؟؟؟

نسيت اقلك حاجة انتي شوفي الديركتور بتاعك مين او العضو الراعي و شوفي لو عندة منتدي تقدري تعلني عن نفسك فيةو تحطيي ارقام تليفوناتك زيمانا بعمل مع الاعضاء بتوعي

ميرو كاتى كتب:شكرا

hadeer كتب:الموضوع جااااااااااامد جدا وبجد كلامك تمام تمام يا شيماء

الواحد ياحاول يعمل كده بس مش عارفة مش بتسلك ليه

شيماء عادل كتب:

dr_dody كتب:معلش ياشوشو كنت عايزة اسألك عن حاجه
هو ينفع حد يغير العضو الراعي يعني ينقل نفسه بالي تحته تحت حد تاني ولا مش نافع ؟؟؟؟؟

و الله يا دودو لحد الان الحكاية دي صعبة جدا ان مكنتش مستحيلة

لانهم في الشركة بيسموها سرقة اعضاء


مع ان دة انا بعتبرة تعسف لكن هوة دة النظام للاسف

لازم تبدئ من اول و جديد

و لو عايزة تعملي كدة يبقي لازم تقرري و نتفذي قبل ما تدخلي ناس كتير تحتك

amira yousry كتب:

شيماء عادل كتب:

dr_dody كتب:معلش ياشوشو كنت عايزة اسألك عن حاجه
هو ينفع حد يغير العضو الراعي يعني ينقل نفسه بالي تحته تحت حد تاني ولا مش نافع ؟؟؟؟؟

و الله يا دودو لحد الان الحكاية دي صعبة جدا ان مكنتش مستحيلة

لانهم في الشركة بيسموها سرقة اعضاء


مع ان دة انا بعتبرة تعسف لكن هوة دة النظام للاسف

لازم تبدئ من اول و جديد

و لو عايزة تعملي كدة يبقي لازم تقرري و نتفذي قبل ما تدخلي ناس كتير تحتك

انا لسه عمله عضويه من كام يوم مع واحده هل ممكن اعمل معاكى ولا اعمل ايه