ثقافه الحمام

دخل الحمام كل يوم اكيــــد بس بنعمل ايه جوه بقه
بصوا بقه عايزه اعرف كده بصراحه كام واحده بتنشف نفسها بعد الحمام؟
هتقولى يوووووه لسه هنشف هو ده محتاج تنشيف يعنى مانا هنشف لوحدى ده الجو حر
طب بصى يابنوته انتى وهى انتى عارفه ان الميه على الجلد سبب رئيسى لجفاف الجلد
يعنى جلدك هينشف لو منشفتيش جربى كده تغسلى ايدك او وشك ومتنشفيهمش هتلاقيهم بقوا جافين جداااااا ومش ناعمين خالص وملمسهم مش هيعجبك
ما بالك بقه بأماكن حساسه زى دى ولا بتتهوى اصلا ولا بنهتم بيها
يبقى ابسط الاشياء ننشفها منسيبهاش تنشف مننا كده وتتبهدل
ثانيا الميه دى بتخلى الميكروبات والبكتريا تكتر وممكن تسبب لك تسلخات والتهابات ...إلخ إلخ
نيجى للمهم هننشف بأيه
قدامك كذا اوبشن ياقمر
مناديل الحمام الورقيه رخيص جداااااا وبيتباع فى كل حته تقريباوخلى فى باسكت فى الحمام او حتى كيس بلاستك عشان ترمى فيه الكلينكس ..
والحل التانى اللى انا بستعمله ومرتاحه فيه جدا

فوطه صغنونه قطن لذيذه كده تبقى بتاعتك لوحدك تنشفى بيها بعد التويلت وتغسليها كل يومين تلاته كده لما تحسى انها مش بتنشف بس خلينا فى المناديل اسلم حاجه عشان مره وبتترمى وانا هحاول ابطل الفوط
ولزياده الأمان بقه بعد التنشيف ياسلام لو تجيبى بودره جونسون بتاعه البيبهات دى وتحطى بيها فى أماكن الاحتكاك


عارفين طبعا لازم نحافظ على اماكن الاحتكاك دى بدل منرجع نشتكى من السمااااار
طول ما هى ناشفه مش هتحتك ومش هتلتهب او تتسلخ وتفضلى قشطه على طول
وبالنسبه للبنوتات اللى مش بينزلوا لابسين شورت مينفعش خااااااالص لازم الشورت القطن تحت اللبس عشان الاحتكاك وعشان لا قدر الله متضمنيش هدومك يحصل فيها ايه لازم نأمن نفسنا يا بناتيت
اما بقه البنات اللى عندهم سمار بين الفخذين
يبطلوا سبب السمار الأول ايا كان بقه تسلخات او مش بتنشف بعد التويليت يبقى تعمل النصايح دى الأول
وتستعمل كريم بيرلا كل يوم لمده 3 شهور ب 35 جنيه من الصيدليه وانا مجرباه وبجد يجنن هتجربوه وتدعولى بس الموضوع عايز صبر

متنسيش بقه اوعى تنسى وانتى خارجه من الحمام ونشفتى ومسكتى حاجات عجيبه كده اوعىىىىىىىى متغسليش ايدك اموووووووتك ...

وطبعا لو بتستعملى حمامات بره البيت مش هوصيكى بقه تحطى مناديل قبل متقعدى او فى حاجه كده شبه الكيس البلاستيك مقصوصه على قد التويليت بالظبط بتتباع فى السوبر ماركت تحطيها ولما تخلصى ترميها بجد اريح كتيييييير
ونحاول كده كلنا ناخد معانا صابونتنا واحنا خارجين
وفى علب بتتباع للصابونه ورخيصه خالص واخد صابونتى معايا اصل مش ضامنه لما اخرج من اى حمام الاقى صابون قدامى....

انا كده خلصـــــــــت
للامانه منقووووووووووول