طريقة عمل الرنجة بالطحينة

من طرف **nora** الأحد أبريل 24, 2011 9:28 am

المقادير:

• كيلو رنجة.

• نصف كوب طحينة.

• 4 ثمرات طماطم مقطعة مكعبات صغيرة جدا.

• عصير 3 ليمونات.

• ربع كوب صغير زيت.

الطريقة:

1. هتشوي الرنجة على النار لغاية ما تلاقي إن الجلد اتشقق تماماً... بعد كده حطيها في طبق وابدئي في خليها من الأشواك وتقطعيها قطع صغيرة.

2. هاتِ طاسة وحطيها على النار وحطي فيها الزيت واستني لغاية ما الزيت يسخن، وبعد كده ضيفي إليها الطماطم المقطعة واستني لمدة خمس دقائق وبعد كده ضيفي إليهم قطع الرنجة وعصير الليمون.

3. هاتِ طبق التقديم وحطي فيه الرنجة بالطماطم وبعد كده ضيفي إليهم الطحينة

بالهنا والشفا

من طرف **شيماء عادل** الأحد أبريل 24, 2011 10:42 am

الله يا نورا شكلها حلو قووووووووووووي

حنفذها بكرة باذن الله

و اقلك عالنتيجة و باذن الله حتطلع حلللللللوة

من طرف **roaa1411** الثلاثاء أبريل 26, 2011 11:02 am

كل عيد ربيع وأنتم طيبين..
ميرسي يا نورا على طريقة اعداد الرنجة.
طبعا مقدرش أتكلم عن الرنجة لأنى للأسف مش هاكل منها بسبب الحمل الدكتورة محذرة منها
ولكننى بحب أكل من الرنجة المدخنة وتكون مغلفة تحفة تحفة كطعم وكرائحة .
عموما كلو انبسطوا وكل سنة وأنتم طيبين..

من طرف **شيماء عادل** الثلاثاء أبريل 26, 2011 2:54 pm

roaa1411 كتب:كل عيد ربيع وأنتم طيبين..
ميرسي يا نورا على طريقة اعداد الرنجة.
طبعا مقدرش أتكلم عن الرنجة لأنى للأسف مش هاكل منها بسبب الحمل الدكتورة محذرة منها
ولكننى بحب أكل من الرنجة المدخنة وتكون مغلفة تحفة تحفة كطعم وكرائحة .
عموما كلو انبسطوا وكل سنة وأنتم طيبين..

اية دةما الرنجة كلها كد مدخنة و الا انا هبلة و ا اية

ههههههه

من طرف **roaa1411** الأربعاء أبريل 27, 2011 9:06 am

لا يا مشموش
الرنجة اللى فى الصندوق الخشب دى رنجة عادية،
اما الرنجة المدخنة رنجة بتيجى مغلفة كل سمكة لوحدها وريحتها تحفة وطعمها رائع
من اول ماتمسكيها بتلاقى ايدك ريحتها زى الدخان ولما تكليها بردة
وغالبا دى بتبقى فى السوبر ماركت الكبير لأنها بتيقى أغلى سعرا من العادية..

من طرف **nora** الأربعاء أبريل 27, 2011 9:50 am

شكرا ليكم كتير وربنا يتملك حملك على خير بس حاولى بقدر الامكان تقللى من الاملاح

طريقة عمل الرنجة بالطحينة

طريقة عمل الرنجة بالطحينة

رد: طريقة عمل الرنجة بالطحينة

رد: طريقة عمل الرنجة بالطحينة

رد: طريقة عمل الرنجة بالطحينة

رد: طريقة عمل الرنجة بالطحينة

رد: طريقة عمل الرنجة بالطحينة